(တူဝ်ထူပ်းၵူၼ်းၼုမ်ႇတႆးတီႈမႃးႁဵတ်းၵၢၼ်ၼႂ်းမူိင်းထႆးေၵႃႉၼုိင်ႈ)

မူိဝ်ႈၽွင်းၶႃႈႁဝ်းဢႃႇယုလႆႈ (14)ပီႊၼၼ်ႉ မီးယူႇပွၵ်ႈၼိုင်ႈ မီးလွင်ႈတၢင်းသုိၵ်းမၢၼ်ႊတဵၵ်း ၸႂ်ႉ ၵႂႃႇ ႁဵတ်း ပၼ်မၢၵ်ႇဢုတ်ႇၶဝ် ေပႃးဢမ်ႇၵႂႃႇၸွမ်းၼင်ႇၶဝ်သင်ႇၼၼ်ႉၼႆ ေတလႆႈၺႃးမႂ် (ေပႃႉ တၢမ်ႇ) ပဵၼ်ငိုၼ်းပၢၵ်ႇၼိုင်ႈ၊ ေပႃးၵႂႃႇသမ်ႉေတလႆႈငိုၼ်းသၢမ်ၶၼ်ဝႃႈၼႆ၊လွင်ႈၶဝ်ႈၽၵ်း ၶဝ်ႈၼမ်ႉ တၢင်းၵိၼ်ေၵႃႈ ႁႂ်ႈေႁႃႇ ၵႃႂႇၵိၼ်ႁင်းၵူၺ်းၼႆႄလႈ လႆႈပႃးၵႂႃႇႁင်းၵူၺ်း၊ ၽူိဝ်ႇထိုင် ၶၢဝ်း ၵိၼ်ၶဝ်ႈ ဝၼ်းမႃးၶဝ်ႈၽၵ်းႁဝ်းၶႃႈဢၼ်ပႃးၵႂႃႇၼၼ်ႉသိုၵ်းမၢၼ်ႊၶဝ်ဢဝ်ၵိၼ်ပႅတ်ႈမူတ်း ေသ ၊သမ်ႉဢဝ် ၽၵ်းတူမ်ႈၶွင်ၶဝ်မႃးပၼ်ႁဝ်းၶႃႈၵိၼ်ႁဵတ်းၸူိင်ႉၼၼ်၊ ဢၼ်လႂ်လီ ၵိၼ်ေၵႃႈ ၶဝ်ဢဝ် ၵိၼ် ပႅတ်ႈႁဝ်းၶႃႈဢမ်ႇႁတ်းဝႃႈသင် ေပႃးဝႃႈေၵႃႈသမ်ေတ ၺႃးၵိၼ်မုၵ်းၵွင်ႈ ၺႃးသူၼ်ႈတိၼ် ထိပ်ႇ လွင်ႈၶီႇၼဵၵ်းေပႉၵိၼ််ၸူိဝ်း ၼႆႉယဝ်ႉ။

မႃးႁဵတ်းၵၢၼ်မူိင်းထႆးယဝ်ႉ မူိဝ်ႈမူိဝ်းၸႂ်းႁူိၼ်းပွၵ်ႈၼုိင်ႈသမ်ႉၺႃးသုိၵ်း မၢၼ်ႊတဵၵ်းၸႂ်ႉၶႆၢႉ ပႆၢႈ ၵႂႃႇယူႇတီႈမူႇဝၢၼ်ႈဢၼ်ႁွင်ႉၸိုဝ်ႈဝႃႈ “ၼွင်လႅင်” ေသယဝ်ႉ ၶဝ်ႈၼမ်ႉတၢင်းၵိၼ်ေၵႃႈ ဢမ်ႇ တၼ်းလႆႈဢဝ်သင်၊ ေပႃးၽႂ်ဢမ်ႇၶႆၢႉၼႆ ေပႃးႁၼ်ေတဢဝ်တႆၢပႅတ်ႈ ဝႃႈၼႆ၊သိုၵ်းမၢၼ်ႊ ၶဝ်မူိဝ်း ၺႃးၶဝ်ႈပူိၵ်ႇတီႈဝၢၼ်ႈ၊ ၶဝ်ဢဝ်မူိဝ်းပႅတ်ႈတင်းၶဝ်ႈပူိၵ်ႇႄလႈၸၢၵ်ႈယဵပ်ႉၶူဝ်း၊ ဝႆၢးေသၶဝ်မူိဝ်း ယဝ့်ႁဝ်းၶႃႈလၵ်ႉလွမ်မူိဝ်းၵဵပ်းၼဵင်၊ ၵဵပ်းၼဵင်ႈဢွၵ်ႇဝၢၼ်ႈမႃးသမ်ႉၶုိၼ်းၺႃးသိုၵ်းမၢၼ်ႊၶဝ် ၶိုၼ်းတဵၵ်းၸႂ်ႉႁၢပ်ႇၶူဝ်းၶဝ်၊ ၼဵင်ႈတီႈၵဵပ်းမႃးေၵႃႈၶဝ် ဢဝ်ၵႂႃႇပႅတ်ႈမူတ်း၊ ငိုၼ်းဢၼ်မီးၸပ်း တူဝ်ေၵႃႈ ႁုပ်ႇသိမ်းဢဝ်ပႅတ်ႈမူတ်း၊ ၼၢင်းယိင်း(3)ေၵႃႉ ၵူၼ်းၸႆၢး (2)ေၵႃႉ ဢမ်ႇလႆႈၵိၼ်ၶဝ်ႈ၊ သမ်ႉထၢမ် တီႈၵူၼ်းၸႆၢးဝႃႈ “ၸွင်ႇႁၼ်သိုၵ်းတႆး” ၼႆသိုၵ်းမၢၼ်ႊဝႃႈ ေပႃးၶဝ်ၵႂႃႇၺႃသိုၵ်းတႆး “ၶဝ်ေတ ဢဝ်တႆၢပႅတ်ႈ” ဝႃႈၼႆ၊ ၼၢင်းယိင်း(3)ေၵႃႉၼၼ်ႉေပႃးၽႂ်ေမႃလၢတ်ႈၵႂၢမ်းမၢၼ်ႊေတပွႆႇ ပၼ်ဝႃႈၼႆႄလႈ၊ မီးၼၢင်းယိင်းေၵႃႉၼိုင်ႈသမ်ႉေမႃလၢတ်ႈႄလႈ ၶဝ်ဝႃႈၵျႃႉဢူိဝ်ႈ ေမႃလၢတ်ႈၵႂၢမ်း မၢၼ်ႊၼႆႉၼႆၼၢင်းယိင်း(3)ေၵႃႉႄတႉေတပွႆႇပၼ်ယူႇဝႃႈၼႆ၊ ၵူၼ်းၸႆၢး(2) ေၵႃႉႄတႉတဵၵ်းၸႂ်ႉ ႁၢပ်ႇေၶျႃးၶဝ်ယူႇ၊ လူိၵ်ႈလူိၵ်ႈသမ့်ၵႂႃႇၽႃႇၺႃးသိုၵ်းတႆးၶိုၼ်းႄလႈသိုၵ်းမၢၼ်ႊ ၶိုၼ်းဝၢၵ်ႈမႃး ယိုဝ်းပႅတ်ႈၸႆၢးထႆး(2)ေၵႃႉၼၼ်ႉတႆၢပႅတ်ႈေၵႃႉၼိုင်ႈ၊ မူိဝ်ႈသိုၵ်းမၢၼ်ႊၶဝ်တိုၵ်ႉၵိၼ်ၶဝ်ႈယူႇ ၼၼ်ႉ ၸႆၢးတႆးေၵႃႉၼၼ်ႉဢၢင်ႈဝႃႈယွၼ်းဢွၵ်ႇၼွၵ်ႈ(ႄလႇပၢင်ႇ)ဝႃႈၼႆေသႁႃတိုဝ်ႉ တၢင်းလၵ်ႉ လႅၼ်ႈပႆၢႈလႆႈႄလႈၸင်ႇၸၢင်ႈၶိုၼ်းၶဝ်ႈမႃးႁႃႁဵတ်းၵၢၼ်ၼႂ်းၸုိင်ႈထႆးလႆႈယူႇယဝ်ႉ။ ဢၼ်ၼႆႉ ပဵၼ်လွင်ႈၼုိင်ႈၼႂ်ႈလႆၢလႆၢလွင်ႈ ဢၼ်ၶႃႈႁဝ်းလႆႈႁူပ်ႉၺႃးပဵၼ် တူဝ်ထူပ်းမႃး မူိဝ်ႈၽွင်းတိုၵ်ႉ ယူႇတီႈႁူိၼ်း ၼႂ်းမူိင်းတႆး ႄလႈေပႃႈႄမႈပီႈၼွင်ႉၶႃႈႁဝ်းၶဝ် ပီႈၼွင်ႉၵူၼ်းဝၢၼ်ႈၵူၼ်းသူၼ် ဢၼ်ပဵၼ်ၵူၼ်းဝၢၼ်ႈၼွၵ်ႈၼႃးပၢင်ႇ ၸူိင်ႉၼင်ႇၶႃႈႁဝ်းေၵႃႈႁူပ်ႉထူပ်းၺႃးမူိၼ်ၵၼ်မူတ်းၶႃႈ ယဝ်ႉ၊ လွင်ႈတၢင်းၸူိဝ်းၼႆႉပဵၼ်လွင်ႈ တၢင်းႁဵတ်းႁႂ်ႈ ဢမ်ႇၶႂ်ႈၶၢမ်ႇသိုၵ်းမၢၼ်ႊလႆႈႄလႈ ပဵၼ် လွင်ႈတၢင်းဢၼ်ၼိုင်ႈႁဵတ်းႁႂ်ႈၶႃႈႁဝ်းလႆႈပႆၢႈမႃးႁႃႁဵတ်းၵၢၼ်ၼႂ်းမူိင်းထႆးေဢႃႈ။